Bili mein ny pali hy, Sir sy dum tak kali hy

بلی میں نے پالی ہے، سر سے دم تک کالی ہے

 

بلی میں نے پالی ہے

سر سے دم تک کالی ہے

انکھیں کیا چمکیلی ہیں

کیسی نیلی نیلی ہیں

Cat
bili mein ny pali hy

سب سے پہلے تو میں اس نظم کی تشریح کردوں جو پتہ نہیں کیوں بچپن میں رٹوا دی تھی۔ اسی لئے اج یاد آگئ اور ساتھ ہی میں نے لکھ بھی دی۔

تو جناب سچی بات ہے نا بلی تب پالی تھی اور نا ہی اب تک ایسا کوئی نادر خیال ذہن کے کسی کونے میں قدم رنجہ فرما سکا۔

وجہ یہ ہے کہ بھی سر سے دم تک کالی بلی کو کون پالے گا اور میرے جیسے کا تو اندھیرے میں دیکھتے ہی دم نکل جانا ہے برائے مہربانی د کے اوپر زبر پڑھیے گا ۔

بات اگر چمکیلی آنکھوں تک ہو تب تو انسان سوچ بھی لے مگر میں اپنے ذرخیز دماغ کا کیا کروں جو بلی کو دیکھتے ہی سوچنے لگتا ہے کہ کیا ہو کہ دیکھتے ہی دیکھتے بلی کی نیلی آنکھیں لال لال ہو جائیں (اللہ معاف کرے سوچ کر ہی جھرجھری آگئ)۔

ارے یہ کون لوگ ہیں جن کو بلی اتنی معصوم لگتی ہے ، اللہ جانتا ہے اج تک ڈھونڈنے سے بھی نا ملی معصومیت یا میرے سامنے آتے ہی ہو جاتی ہو گی غائب کیا بلی اررے نہیں بھئ معصومیت ۔

ویسے ایسا کوئی چھتیس کا اکڑا نہیں ہے میرا بلیوں کے ساتھ مگر جانے کیوں دل چاہتا ہے کہ جیسے ہی سامنے آئیں ہش ہش کر کے بھاگا دوں۔

ابھی کل کی بات ہے کچن میں چکن دھو کر رکھا تھا تھوڑی دیر بعد کچن تو تھا مگر چکن غائب تھا، دودھ کی دشمن اور تو اور ایک دن سونف دھو کر رکھی تھی سکھانے مت پوچھیں کیا کر دیا بلی نے، جی جی درست پہنچے ہیں آپ گیلی کر دی گندی نے۔

اچھا چلیں مان لیا کہ پیاری لگتی ہے پر مجھے تو نوڈلز کی کمرشل میں جب کہتی ہے” ہوگا مجھے کیا ” تب بھی نہیں لگتی ۔

گھر میں جہاں جائے بال ہی بال پھیلائے۔ میرا خیال ہے اج کے لئے اتنا ہی بہت ہے کیونکہ یہاں بہت سے لوگ بلی کے پیارے میرا مطلب بلی انکو پیاری لگتی ہو گی موجود ہیں اس سے پہلے کہ وہ مجھ پر توہین بلی کا مقدمہ کریں مجھے اجازت دیں۔

2 thoughts on “Bili mein ny pali hy, Sir sy dum tak kali hy

Leave a Reply

Your email address will not be published. Required fields are marked *